D‘ Schreggmimpfeli Chronik
- D‘ Schreggmimpfeli sinn am 3. Juni 2003 in Rieche gründet worde.
- Mir sinn an d Fasnacht 2004 mit em Sujet :„Oh Schregg....d’Schreggmipfeli „ und sinn
am Cortège 9 Pfyffer, 3 Vorträbler und ai Major gsi. - Am 4. Juni 2004 isch die erschti GV gsi. Mit emene Glygge-Bestand vo 12 Aktive.
- An dr Fasnacht 2005 hänn mir unseri neje Kopfladärnli und unseri erschti Lampe
kenne yyweihe. Uusgspielt hänn mir dr Valetinsdaag,
Hesch dra dänggt het Sujet ghaisse. Au hänn mir mit dr Gruppe Näschthogger die
erschte Kontakt kaa und sinn e paar Rundene mit ihne gloffe. - Jetzt uff die zweiti GV zeller mir 13 Aktivi. Es wird beschlosse, d‘ Fasnacht 2006
mit de Näschthogger gmeinsam z‘ laufe.
Im Herbscht, noch dr Sujet-Uuswahl, hänn d’Näschthogger beschlosse, sie welle
doch nit mit uns Fasnacht mache. - An dr Fasnacht 2006 mit 12 Dailnehmer und mit em Sujet „Mir mache Easy Fanacht“,
hänn mir denn dr erschti Kontakt mit de Sunnereedli kaa, sinn mir doch e baar mool
zämme koo und hänn uns prima verstande. - Dr Kontakt mit de Sunnereedli isch immer intensiver worde und mir hänn beschlosse,
d’Fasnacht 2007 zämme z‘ laufe, aber jedi Gruppe mit aigenem Sujet. - Mit em Sujet „Grössewahn“ sin mir den an d‘ Fasnacht 2007.
Mir sinn mit 7 Pfyffer
und 5 Vorträbler uf d’ Gass. Dank de Sunnereedli sin denn no zwai Vorträbler und
3 Damboure derzue koo.
Am Morgestraich hänn mir no Versterggig kaa, so dass mir au unsere zwai neje
Stäggeladärne hänn kenne yyweihe und mitnäh. - D Fasnacht 2008 isch denn zämme mit de Sunnereedli in Aagriff gno worde
„Mir sinn derfyr dass Ihr dergeege sinn“ het s Sujet fiir d Fasnacht 2008 gheisse.
7 Pfyffer, 7 Vorträbler, 3 Damboure und e Major mit Lampe und Requist,
so sinn mir an dr Cortège. - Im Joor 2008/09 het sich d‘Zämmearbet mit de Sunnereedli no meh verbesseret
so als wär s ai Glygge. D‘ Fasnacht 09 underem Sujet
„ Niemer kha das ganz begriffe,suffe, laufe, drummle, pfyffe, und das drey Daag lang
dingedong, das nennt sich Grufti Botellon“ isch eini vo de scheenschte wenn nit gar
die beschti Fasnacht gsi, syt es d’Schreggmimpfeli git.
Mir zämme (Sunnereedli / Schreggmimpfeli) sinn stolzi 22 Dailnähmer gsi.